Zyrtarët e financave të G20-së: Rreziqet e tregtisë botërore po intensifikohen

Ministrat e financave dhe shefat e Bankës Qendrore të Grupit të 20 ekonomive të mëdha kanë përfunduar një takim në Japoni me një premtim për të përdorur të gjitha politikat që munden për të mbrojtur rritjen botërore.

Udhëheqësit e financave në një komunikatë të përbashkët thanë që rreziqet nga tregtia dhe tensionet gjeopolitike ishin “intensifikuese”.

“Ne riafirmojmë angazhimin tonë për të përdorur të gjitha mjetet e politikave për të arritur rritje të fortë, të qëndrueshme, të balancuar dhe gjithëpërfshirëse dhe për të mbrojtur rreziqet negative”, thuhet në komunikatën e 20 vendeve më të zhvilluara, përcjell Telegrafi.

Krerët thanë se pavarësisht nga rreziqet, rritja botërore duket të jetë stabilizuar dhe pritej të rritet më vonë këtë vit dhe vitin e ardhshëm.