Organizata Botërore e Tregtisë (OBT) uli sot parashikimin e rritjes për tregtinë botërore në 2018 dhe 2019, duke i bërë thirrje qeverive të dëshmojnë ‘’maturi’’ në një kontekst shënuar nga një ‘’përshkallëzim i tensioneve tregtare’’.
”Në mënyrë globale, rreziqet që rëndojnë mbi parashikimet janë të konsiderueshme”, bëri të ditur OBT-ja në një komunikatë për shtyp.
Sipas të dhënave të fundit, tregtia botërore pritet të shënojë rritje prej 3,9% këtë vit dhe 3,7% vitin e ardhshëm, ndërsa në prill parashikohej për një rritje respektivisht 4,4% dhe 4,0%./ /v.b/ a.jor.
