Media japoneze shkruan për Kosovën, ja çfarë i lidh dy shtetet

epa05792927 President of the Republic of Kosovo Hashim Thaci during his meeting with Norwegian Minister of Foreign Affairs Brende Borge (not pictured) in Pristina, Kosovo, 14 February 2017. Borge is one-day official visit to Kosovo. EPA/VALDRIN XHEMAJ

Kryeministri japonez, Shinzo Abe të premten deklaroi se Japonia do vijojë të mbështesë zhvillimin e Kosovës, një shtet i ri që kërkon anëtarësimin në BE, duke shpresuar edhe në thellimin e bashkëpunimit ekonomik, shkruan media japoneze mainichi.jp, përcjell foldrejt.com.

“Japonia do vijojë të mbështesë reformat ekonomike dhe sociale në Kosovë,” tha Abe, duke shtuar se marrëdhëniet mes dy shteteve janë thelluar vazhdimisht që në kohën kur janë lidhur marrëdhëniet diplomatike në 2009.

“Unë jam determinuar të punoj ngushtë me presidentin Thaçi që marrëdhëniet tona të fuqizohen më shumë dhe që të punohet për paqen dhe stabilitetin në Ballkanin Perëndimor,” tha Abe.

Japonia ka njohur pavarësinë e Kosovës prej 2008. Presidenti Thaçi përgëzoi Japoninë që po tenton të ketë prezencë në Europën Juglindore.

Në fund dy qeveritarët folën për sportin që i lidh më shumë këto dy shtete – xhudon. Dihet se konkurrenca në lojërat olimpike nuk është e lehtë, por sporti është sport./Foldrejt.com