Një foto është shfaqur në internet që zbulon pjesërisht pamjen e telefonit inteligjent të ardhshëm OnePlus 8T.

Raportet fillestare thanë se OnePlus do të prezantonte dy modele, 8T dhe 8T Pro, por informacioni i fundit thotë se versionet Pro nuk do të ekzistojnë ose do të ekzistojnë vetëm në tregje të caktuara.

Sido që të jetë, OnePlus 8T do të ketë një ekran 6.55 inç me një shpejtësi rifreskimi prej 120Hz. Është një ekran i sheshtë dhe në pjesën e pasme është një modul i shquar i kamerës që është i ngjashëm me atë në Galaxy S20 të Samsung.

Thuhet se, OnePlus 8T do të ketë të njëjtin procesor Qualcomm Snapdragon 965 si OnePlus 8 pavarësisht nga fakti se ekziston një Snapdragon 865 Plus superior.

Pajisja do të jetë në dispozicion në dy versione, njëri do të ketë 8 GB RAM dhe 128 GB memorie të brendshme, dhe tjetri 12 GB RAM dhe 256 GB memorie të brendshme.

Do të ketë një kamerë kryesore prej 48 MP, ultra të gjerë 16, makro 5 dhe një kamerë portrete prej 2 MP. Do të ketë një kamerë 32 MP në pjesën e përparme.

Telefoni inteligjent do të ketë një bateri 4,500 mAh me mbështetje të karikimit 64W. /Telegrafi/