Koronavirusi mund të ketë infektuar njerëz në Shtetet e Bashkuara që nga  13 dhjetori i vitit 2019, sipas një studimi të botuar të hënën në revistën Sëmundjet Klinike Infektive.

Studimi, i cili u krye nga shkencëtarët në Qendrat Amerikane për Kontrollin dhe Parandalimin e Sëmundjeve, analizoi dhurimet e gjakut të mbledhura nga Kryqi i Kuq Amerikan nga 13 Dhjetor 2019 deri më 17 Janar 2020.

7,389 mostra, të mbledhura nga nëntë shtete, u testuan për antitrupa reaktivë SARS-CoV-2.

SARS-CoV-2 është emri shkencor për koronavirusin që shkakton Covid-19.

Nga mostrat e testuara, të paktën 106 u gjetën të kenë antitrupa për SARS-CoV-2, përfshirë ato të mbledhura nga California, Oregon dhe Washington nga 13 dhjetor deri më 16 dhjetor 2019. Më parë, rasti i parë i njohur i Covid-19 në SH.B.A. ishte raportuar më 21 janar.